🎖️ ఇండియన్ ఆర్మీలో ‘నల్లబెల్లి’ ముద్దుబిడ్డ ఘన విజయం! 
పీపుల్స్ డైరీ నల్లబెల్లి
నల్లబెల్లి మండల కేంద్రానికి చెందిన ముత్యాల సాయి కుమార్ అగ్నివీర్ జిడిగా (Agniveer GD) ఎంపికై సరిహద్దుల్లో దేశ సేవ చేయడానికి సిద్ధమయ్యాడు.ఇటీవల విడుదలైన ఇండియన్ ఆర్మీ అగ్నివీర్ ఫలితాలలో వరంగల్ జిల్లా, నల్లబెల్లి మండలం, నల్లబెల్లి గ్రామానికి చెందిన M. సాయి కుమార్ (M. SAI KUMAR) అద్భుత ప్రతిభ కనబరిచి, అగ్నివీర్ GD (General Duty) గా ఉద్యోగం సాధించాడు. ఘన్పూర్ స్టేషన్ లోని ‘అగ్నివీర్ డిఫెన్స్ అకాడమీ’ లో ఉచితంగా ఎగ్జామ్ మరియు గ్రౌండ్ శిక్షణ పొందిన సాయి కుమార్, తన కష్టాన్ని నమ్ముకుని తొలి ప్రయత్నంలోనే ఈ ఘన విజయాన్ని అందుకున్నాడు.ఈ సందర్భంగా అకాడమీ నిర్వాహకులు, గ్రామస్తులు మరియు మిత్రులు సాయి కుమార్ నివాసానికి చేరుకుని శాలువాతో ఘనంగా సత్కరించి, శుభాకాంక్షలు తెలియజేశారు.
*గ్రామస్తుల హర్షం:*
మన నల్లబెల్లి మట్టిలో పుట్టిన యువకుడు దేశాన్ని రక్షించే ఆర్మీ ఉద్యోగానికి ఎంపిక కావడం పట్ల స్థానిక ప్రజలు, యువత హర్షం వ్యక్తం చేస్తున్నారు. ఎంతోమంది గ్రామీణ యువతకు సాయి కుమార్ విజయం ఒక గొప్ప స్ఫూర్తిగా నిలుస్తుందని కొనియాడారు.సరిహద్దుల్లో భారత మాత సేవకు అడుగుపెడుతున్న M. సాయి కుమార్ మరిన్ని ఉన్నత శిఖరాలను అధిరోహించాలని మనస్ఫూర్తిగా కోరారు.