నల్లబెల్లి:
ఉప సర్పంచ్ల ఫోరం జిల్లా వర్కింగ్ కమిటీ అధ్యక్షుడిగా నల్లబెల్లి గ్రామ ఉపసర్పంచ్ గుమ్మడి వేణు ఏకగ్రీవంగా ఎన్నికయ్యారు. ఈ మేరకు ఫోరం ప్రతినిధులు ఆయన నియామకాన్ని అధికారికంగా ప్రకటించారు. ఈ సందర్భంగా జిల్లా నలుమూలల నుంచి వచ్చిన ఉప సర్పంచులు ఆయనకు ఘనంగా శుభాకాంక్షలు తెలిపారు.
చెక్ పవర్ పునరుద్ధరణే లక్ష్యం: గుమ్మడి వేణు
తన ఎన్నిక అనంతరం గుమ్మడి వేణు మాట్లాడుతూ… తనపై నమ్మకంతో ఈ బాధ్యతను అప్పగించిన ప్రజాప్రతినిధులందరికీ కృతజ్ఞతలు తెలిపారు. ఉప సర్పంచ్లు ఎదుర్కొంటున్న సమస్యల పరిష్కారానికి నిరంతరం కృషి చేస్తానని ఆయన హామీ ఇచ్చారు. ముఖ్యంగా, ఉప సర్పంచ్ల చెక్ పవర్ పునరుద్ధరణ కోసం గట్టిగా పోరాడతానని స్పష్టం చేశారు.
“గ్రామాల సర్వాంగీణ అభివృద్ధిలో ఉప సర్పంచ్ల పాత్ర ఎంతో కీలకమైనది. నిధులు, విధుల సాధన కోసం అందరినీ కలుపుకొని, సమష్టిగా ముందుకు సాగుతాం.”
— గుమ్మడి వేణు, జిల్లా వర్కింగ్ కమిటీ అధ్యక్షుడు.