ఇందిరమ్మ ఇండ్లు దేశానికి ఆదర్శం వైరా ఎమ్మెల్యే రాందాస్ నాయక్
ఏన్కూర్, జూన్ 1 పీపుల్స్ డైరీ
ఏన్కూర్ మండలంలోని జన్నారం ఎస్టీ కాలనీలో ఇందిరమ్మ ఇళ్ల నిర్మాణ పనులను వైరా ఎమ్మెల్యే మాలోత్ రాందాస్ నాయక్ సోమవారం ప్రారంభించారు. ఈ సందర్భంగా ఆయన మాట్లాడుతూ పేద కుటుంబాలకు గౌరవప్రదమైన నివాసం కల్పించాలనే లక్ష్యంతో ప్రభుత్వం ఇందిరమ్మ గృహ నిర్మాణ పథకాన్ని అమలు చేస్తోందన్నారు. అర్హులైన ప్రతి లబ్ధిదారుడు ప్రభుత్వ సహాయాన్ని సద్వినియోగం చేసుకొని ఇళ్ల నిర్మాణాన్ని త్వరగా పూర్తి చేసుకోవాలని సూచించారు.
గ్రామీణ ప్రాంతాల అభివృద్ధికి ప్రభుత్వం ప్రత్యేక ప్రాధాన్యత ఇస్తోందని, సంక్షేమ పథకాల ఫలాలు ప్రతి అర్హుడికి చేరేలా చర్యలు తీసుకుంటున్నట్లు ఎమ్మెల్యే తెలిపారు.ఈ కార్యక్రమంలో వ్యవసాయ మార్కెట్ కమిటీ చైర్మన్ లచ్చిరాం నాయక్,ఎంపీడీవో పల్లి భాగ్యశ్రీ, ఎంపీఓ జీఎస్ నారాయణ, హౌసింగ్ ఏఈ స్నేహలత, ఎస్సై సంధ్య, పంచాయతీ కార్యదర్శి శ్రీలత, సర్పంచ్ బానోతు మనీ, ఉప సర్పంచ్ చింతల నరసరావు, మండల పార్టీ అధ్యక్షుడు స్వర్ణ నరేందర్, మాజీ ఎంపీటీసీ మేడ ధర్మారావు, వాసిరెడ్డి నాగేశ్వరావు, ప్రజాప్రతినిధులు, పార్టీ నాయకులు, అధికారులు, గ్రామస్థులు పాల్గొన్నారు.