పవిత్ర ఆలయంలో పొలిటికల్ స్టంట్లు

కూడా ప్లాటింగ్ లో అవకతవకలంటూ ఒకరు

ఎటువంటి దోపిడీ అక్రమాలు జరగలేదంటూ మరొకరు

ఆలయం అపవిత్రమైందని పవిత్రం చేయటానికి మరొకరు

పవిత్రాపవిత్రాలు రాజకీయ ఆలయాల చుట్టూ చేయాలి

ఆటంకాలు కలిగిస్తూ పార్టీలను అభాసు పాలు చేస్తున్నారంటూ భక్తులు

ఆలయ పరిసరాల్లో క్షుద్ర పూజలు, ఆలయంలో కరెంట్ కట్…కారణం..?

సంఘటనలు జరుగుతుంటే చోద్యం చూస్తున్న ఆలయ అధికారులు

పీపుల్స్ డైరీ ప్రతినిధి వరంగల్

• ఓరుగల్లు చరిత్రగాంచిన శ్రీ భద్రకాళి అమ్మవారి ఆలయంలో పలు రాజకీయ పార్టీ వర్గాలు స్టంట్లు చేశాయి గత ప్రభుత్వంలో కూడా ప్లాట్ల విషయంలో అవకతవకలు జరిగాయంటూ నింద వేస్తే తప్పు చేయలేదంటూ నిరూపించుకుంటానని ఉదయాన్నే తడిచిన బట్టలతో ఆలయంలో ప్రమాణం చేస్తూ ఒకరు పొరపాట్లు దొర్లాయంటూ మరొకరు భద్రకాళి ఆలయం ఇలా అపవిత్రం చేస్తారా అంటూ పవిత్రం చేయటానికి మరొకరు ఈ అనాలోచిత సంఘటన అటు పార్టీ వర్గాల్లో ఇటు భక్తుల నడుమ హాట్ టాపిక్ గా మారింది ఏదైనా తేల్చుకుంటే బాహాటంగా తేల్చుకోవాలి కానీ ఇలా భద్రకాళి ఆలయానికి దర్శనానికి వచ్చే భక్తులకు ఆటంకాలు కలిగిస్తూ పార్టీ పరువు బజారు పాలు చేస్తున్నారని భక్తులు వాపోతున్నారు ఇక ముందు రోజు రాత్రి భద్రకాళి ఆలయ పరిసర ప్రాంతాల్లో క్షుద్ర పూజలంటూ ప్రచారం రాత్రి సమయంలో దాదాపు గంటల కొద్ది విద్యుత్ లేకపోవటం ఇదంతా చూస్తుంటే భక్తుల్లో ఏదో తెలియని ఆందోళన వ్యక్తం ఏర్పడింది ఇలాంటి దుశ్చర్యల వలనే ఎన్నడూ లేని విధంగా జరిగిన సంఘటనల పై పలు అనుమానాలు సైతం వ్యక్తం చేయాల్సి వస్తుంది ఇదిలా ఉండగా ఇంత రాద్దాంతం జరుగుతుంటే చేతులు కట్టుకుని చోద్యం చూస్తున్నారు దేవాదాయ శాఖ అధికారులు

*అంగన్వాడి కేంద్రంలో పౌష్టిక ఆహారం పంపిణీ.. ప్రారంభించిన సర్పంచ్ కొలిశేట్టి రాంబాయమ్మ*
*కోదాడ, పీపుల్స్ డైరీ:* మండలంలోని తాడ్వాయి గ్రామ అంగన్వాడి కేంద్రంలో గర్భిణులు, బాలింతలు మరియు చిన్నారులకు ప్రభుత్వం తెలంగాణ మహిళాభివృద్ధి, శిశు సంక్షేమ శాఖ ద్వారా అందిస్తున్న ఏడు నెలలు నుండి మూడు సంవత్సరాలు వరకు పౌష్టిక ఆహార పంపిణీ కార్యక్రమం ఘనంగా నిర్వహించారు. ఈ కార్యక్రమానికి తాడ్వాయి గ్రామ సర్పంచ్ కొలిశేట్టి రాంబాయమ్మ, బుచ్చిపాపయ్య ముఖ్య అతిథిగా హాజరై, లబ్ధిదారులకు బాలామృతం, పాలు, గుడ్లు తదితర పౌష్టిక ఆహార పదార్థాలను పంపిణీ చేశారు. ఈ సందర్భంగా సర్పంచ్ కొలిశేట్టి రాంబాయమ్మ, బుచ్చిపాపయ్య మాట్లాడుతూ.. గర్భిణులు, బాలింతలు తమ ఆరోగ్యం పట్ల ప్రత్యేక శ్రద్ధ వహించాలని సూచించారు. అంగన్వాడి కేంద్రాల ద్వారా ప్రభుత్వం అందజేస్తున్న సంపూర్ణ పౌష్టిక ఆహారాన్ని ప్రతి ఒక్కరూ సక్రమంగా వినియోగించుకోవాలని కోరారు. తద్వారా మహిళల్లో, చిన్నారుల్లో రక్తహీనత, పోషకాహార లోపాలు వంటి సమస్యలను అధిగమించవచ్చని, తల్లీ బిడ్డలు క్షేమంగా ఉంటారని పేర్కొన్నారు.చిన్నారులకు చిన్నతనం నుంచే పౌష్టికాహారం అందించడం వల్ల వారి శారీరక, మానసిక ఎదుగుదల బాగుంటుందని తెలిపారు. ఈ సేవలను గ్రామ లబ్ధిదారులందరూ సద్వినియోగం చేసుకోవాలని ఆమె పిలుపునిచ్చారు. ఈ కార్యక్రమంలో అంగన్వాడి కేంద్రం టీచర్లు, ఆయా, ఆశా వర్కర్లు, వార్డు సభ్యులు, తదితరులు పాల్గొన్నారు.

భూపాలపల్లి,పీపుల్ డైరీ (జూలై,1): జిల్లాలో శాంతిభద్రతల పరిరక్షణతో పాటు ప్రజలకు మెరుగైన పోలీసు సేవలు అందించడమే లక్ష్యంగా పనిచేయాలని భూపాలపల్లి జిల్లా ఎస్పీ సిరిశెట్టి సంకీర్త్ ఆదేశించారు. బుధవారం జిల్లా కేంద్రంలోని పోలీస్ స్టేషన్‌ను ఎస్పీ ఆకస్మికంగా తనిఖీచేశారు.ఈ సందర్భంగా స్టేషన్ రికార్డులను క్షుణ్ణంగా పరిశీలించిన ఎస్పీ, పెండింగ్ కేసుల దర్యాప్తు పురోగతిపై అధికారులను అడిగి తెలుసుకున్నారు. కేసుల దర్యాప్తులో జాప్యం లేకుండా వేగవంతం చేయాలని, ఫిర్యాదుల పరిష్కారంలో బాధితులకు సత్వర న్యాయం అందేలా చూడాలని సిబ్బందిని ఆదేశించారు.

భూ భారతి లో పట్టాదారు పాసుపుస్తకాలు మంజూరు చేయాలి

సీతారామ ప్రాజెక్టు పూర్తి చేయుటం లో రేవంత్ రెడ్డి ప్రభుత్వం నిర్లక్ష్యం

తెలంగాణ రైతు సంఘం జిల్లా కార్యదర్శి బొంతు రాంబాబు

ఏన్కూరు:- భూ భారతి లో భాగంగా సమగ్ర భూ సర్వే జరిపి కాస్తు ఆధారంగా పట్టాదారు పాసుపుస్తకాలు మంజూరు చేయాలి అని తెలంగాణ రైతు సంఘం జిల్లా కార్యదర్శి బొంతు రాంబాబు డిమాండ్ చేశారు. ఆదివారం ఏన్కూరు మండలం తిమ్మారావు పేట లో సెంటర్ లో సిపియం పతాకాన్ని కాట్రాల బిక్షం ఎగురవేశారు. ఈ సందర్భంగా సిపిఎం మండల కార్యదర్శి దొంతి బోయిన నాగేశ్వరరావు అధ్యక్షతన జరిగిన సభలో బొంతు రాంబాబు మాట్లాడుతూ ధరణ స్థానం లో భూ భారతి చట్టం వచ్చిన భూ సమస్యలు కు పరిష్కారం దొరకడం లేదని అన్నారు. సమగ్ర భూ సర్వే జరిపి భూమి సాగు ఆధారంగా పట్టాదారు పాసుపుస్తకాలు మంజూరు చేయాలని కోరారు. ఉమ్మడి ఖమ్మం జిల్లాలో ఏడు లక్షల ఎకరాల సాగు భూమి కి నీరు అందించే సీతారామ ప్రాజెక్టు పూర్తి చేయుటకు రాష్ట్ర ప్రభుత్వం శ్రద్ధ చూపడం లేదని అన్నారు. సీతారామ ప్రాజెక్టు పూర్తి చేయుటకు తొమ్మిది వేల కోట్ల రూపాయలు సవరించిన అంచనాలు తయారు చేసిన రేవంత్ రెడ్డి నాయకత్వంలో ప్రభుత్వం బడ్జెట్ లో మాత్రం 336 కోట్ల రూపాయలు కేటాయింపులు చేసింది అన్నారు. సీతారామ ప్రాజెక్టు పూర్తి చేయుటకు అవసరమైన నిధులు విడుదల చేయాలి అని డిమాండ్ చేశారు. మహాత్మ గాంధీ ఉపాధి హామీ దేశం లో ప్రతి గ్రామంలో ప్రతి కుటుంబం కు వంద రోజులు పని గ్యారంటీ ఇచ్చిన చట్టం మార్పులు చేసి కేంద్ర ప్రభుత్వం ఎంపిక చేసిన ఇష్టం అయిన ప్రాంతాల్లో మాత్రమే ఉపాధి హామీ పథకం అమలు చేయుటకు జూలై 1 నుంచి అమలు చేస్తున్నారు అని అన్నారు. తెలంగాణ రాష్ట్రం లో రైతులు పండించిన పంట కొనుగోలు పై కేంద్ర ప్రభుత్వం రేషన్ విధించడం ద్వారా రైతులకు ప్రభుత్వం ప్రకటించిన మద్దతు ధర కూడా లభించ కుండా చేస్తుంది అని అన్నారు. కేంద్ర ప్రభుత్వ రైతు వ్యతిరేక విధానాలపై పోరాటం చేయాల్సిన రాష్ట్ర ప్రభుత్వం మాత్రం కేంద్ర ప్రభుత్వం కొనుగోలు చేసే మేరకు రాష్ట్రం లో కొనుగోలు చేస్తుంది అని రాష్ట్ర మంత్రి వర్గం నిర్ణయం చేయడం సరికాదని అన్నారు. ఎరువులు, పెట్రోల్, డీజిల్ ధరలు పెరుగుదల వ్యవసాయం మీద ప్రభావం చూపుతుంది అని అన్నారు. గ్రామీణ ప్రజలు వ్యవసాయ రంగం రక్షణ కోసం ఉద్యమించాల్సిన సమయం వచ్చింది అని అన్నారు. ఈ కార్యక్రమంలో సిపిఎం జిల్లా కమిటీ సభ్యులు దుగ్గి, కృష్ణ, తాళ్ళపల్లి కృష్ణ, సుంకర సుధాకర్, గిరిజన సంఘం జిల్లా అధ్యక్షుడు బాణోత్ బాలాజీ, సిపిఎం మండల కార్యదర్శులు కుందనపల్లి నరేంద్ర, అంబటి శ్రీనివాస్ రెడ్డి, బాణాల శ్రీనివాసరావు, గ్రామ కార్యదర్శి కలసాని సాయి, సిఐటియు జిల్లా నాయకులు వెల్పుల రాములు, రైతు సంఘం నాయకులు గుండా సత్యనారాయణ రెడ్డి, ఎస్ కె జానీ ,రేగల తిరుమల రావు,మన్నేపల్లి పద్మా, లక్ష్మి, వెంకట్రావమ్మ, మాజీ సర్పంచ్లు కొడేం బిక్షం,బండ్ల చిన్న జోగయ్య, తదితరులు పాల్గొన్నారు.

నల్లబెల్లి బస్టాండ్ ఆవరణలో ఘనంగా పోలియో చుక్కల పంపిణీ

​నల్లబెల్లి, జూన్ 28 (పీపుల్స్ డైరీ):

నల్లబెల్లి మండల కేంద్రంలోని స్థానిక బస్టాండ్ ఆవరణలో పోలియో నిర్మూలనలో భాగంగా ఆదివారం పల్స్ పోలియో చుక్కల పంపిణీ కార్యక్రమాన్ని అత్యంత విజయవంతంగా నిర్వహించారు. స్థానిక వైద్య ఆరోగ్య శాఖ ఆధ్వర్యంలో ఏర్పాటు చేసిన ఈ ప్రత్యేక కేంద్రానికి ప్రయాణికులు, స్థానికుల నుండి విశేష స్పందన లభించింది.
​ఈ కార్యక్రమానికి ముఖ్య అతిథిగా విచ్చేసిన డాక్టర్ ఆచార్య చిన్న పిల్లలకు పోలియో చుక్కలు వేసి అధికారికంగా ప్రారంభించారు. ఈ సందర్భంగా ఆయన మాట్లాడుతూ.. సమాజం నుండి పోలియో మహమ్మారిని పూర్తిగా తరిమికొట్టేందుకు ప్రతి ఒక్కరూ భాగస్వాములు కావాలని పిలుపునిచ్చారు. ఐదేళ్ల లోపు వయసున్న ప్రతి చిన్నారికీ తప్పనిసరిగా పోలియో చుక్కలు వేయించాలని, గతంలో వేయించినప్పటికీ ఈ విడతలో మళ్లీ వేయించడం ఎంతో అవసరమని పేర్కొన్నారు. పిల్లల భవిష్యత్తును అంగవైకల్యం బారిన పడకుండా కాపాడుకోవడం తల్లిదండ్రుల బాధ్యత అన్నారు. సుదూర ప్రాంతాలకు ప్రయాణించే వారికి సైతం అనుకూలంగా ఉండేందుకే బస్టాండ్ ఆవరణలో ఈ కేంద్రాన్ని ఏర్పాటు చేసినట్లు ఆయన వివరించారు.​ఈ మహత్తర కార్యక్రమంలో నల్లబెల్లి మండల ఆశా (ASHA) వర్కర్లు, వైద్య సిబ్బంది ఎంతో ఉత్సాహంగా పాల్గొన్నారు. బస్టాండ్‌కు వచ్చే ప్రతి బస్సునూ నిశితంగా పరిశీలిస్తూ, చుక్కలు వేయించుకోని చిన్న పిల్లలను గుర్తించి అక్కడికక్కడే మందు వేశారు. ప్రయాణికులకు పోలియో చుక్కల ప్రాముఖ్యతపై అవగాహన కల్పించారు. ఉదయం నుండి సాయంత్రం వరకు నిరంతరాయంగా సాగిన ఈ కేంద్రంలో వందలాది మంది పిల్లలకు చుక్కల మందు అందించారు. నేడు చుక్కలు వేయించుకోని వారి కోసం రేపటి నుండి ఆశా వర్కర్లు మండల వ్యాప్తంగా ఇంటింటి సర్వే నిర్వహించి, మిగిలిపోయిన పిల్లలకు పోలియో చుక్కలు వేస్తారని వైద్యులు వెల్లడించారు. ఈ కార్యక్రమంలో వైద్య సిబ్బంది, స్థానిక ప్రజలు పెద్ద సంఖ్యలో పాల్గొన్నారు.